یاد تیری دلا رہے ہیں مجھے

یاد تیری دلا رہے ہیں مجھے

چاند تارے جلا رہے ہیں مجھے

پہلے دنیا ستا رہی تھی مجھے

آپ بھی اب ستا رہے ہیں مجھے

دیکھیے پھر سے بے خیالی میں

آپ پھر گنگنا رہے ہیں مجھے

روتے دیکھا تھا ماں کو بچپن میں

اب وہ آنسو رلا رہے ہیں مجھے

سنتے رہتے تھے جو مجھے گھنٹوں

کتنی باتیں سنا رہے ہیں مجھے

ایک گڑیا ہوں موم کی میں سبینؔ

آپ پتھر بنا رہے ہیں مجھے

yad teri dila rahe hain mujhe

chand tare jala rahe hain mujhe

pahle duniya sata rahi thi mujhe

ap bhi ab sata rahe hain mujhe

dekhiye phir se be khayali mein

ap phir gunguna rahe hain mujhe

rote dekha tha man ko bachpan mein

ab wo ansu rula rahe hain mujhe

sunte rahte the jo mujhe ghanton

kitni baten suna rahe hain mujhe

ek guriya hun mom ki main sabyun

ap patthar bana rahe hain mujhe