اک بے ہنر ہوں اور ہنر چاہتی ہوں میں

اک بے ہنر ہوں اور ہنر چاہتی ہوں میں

اب دھوپ کے سفر میں شجر چاہتی ہوں میں

تنہائیوں کا خوف ہے گھیرے ہوئے مجھے

اپنی گلی سے اس کا گزر چاہتی ہوں میں

لکھا ہے اپنے نام سے اپنے پتے پہ خط

مدت کے بعد اپنی خبر چاہتی ہوں میں

یہ ٹھیک ہے کہ تم سے محبت نہیں مجھے

یہ بھی ہے ٹھیک تم کو مگر چاہتی ہوں میں

ہے کیا عجب کہ ترک تعلق کے باوجود

چہرے پہ اپنے اس کی نظر چاہتی ہوں میں

ik be hunar hun aur hunar chahti hun main

ab dhup ke safar mein shajar chahti hun main

tanhaiyon ka khauf hai ghere hue mujhe

apni gali se us ka guzar chahti hun main

likha hai apne nam se apne patte pe khat

muddat ke baad apni khabar chahti hun main

ye thik hai ke tum se mohabbat nahin mujhe

ye bhi hai thik tum ko magar chahti hun main

hai kya ajab ke tark-e-taalluq ke bawajud

chehre pe apne us ki nazar chahti hun main