پوچھیے مت کیا ہوا کیسے ہوا

پوچھیے مت کیا ہوا کیسے ہوا

بت کوئی میرا خدا کیسے ہوا

آدمی بے حد برا تھا وہ مگر

پھر اچانک وہ بھلا کیسے ہوا

جس دئے کی آبرو تھی روشنی

وہ طرف دار ہوا کیسے ہوا

میں جسے سمجھی نہ تھی وہ عشق تھا

ہاں مگر پھر وہ سزا کیسے ہوا

آدمی سے پوچھتا ہے آدمی

آدمی خود سے جدا کیسے ہوا

مجھ کو آیا تھا منانے کے لیے

کیا خبر مجھ سے خفا کیسے ہوا

سوچتی رہتی ہوں میں اکثر سبینؔ

جو نہیں سوچا گیا کیسے ہوا

puchhiye mat kya hua kaise hua

but koi mera khuda kaise hua

admi be had bura tha wo magar

phir achanak wo bhala kaise hua

jis diye ki abru thi raushni

wo taraf dar hua kaise hua

main jise samjhi na thi wo ishq tha

han magar phir wo saza kaise hua

admi se puchhta hai admi

admi khud se juda kaise hua

mujh ko aya tha manane ke liye

kya khabar mujh se khafa kaise hua

sochti rahti hun main aksar sabyun

jo nahin socha gaya kaise hua