روشنی بن کر بکھرنے کے لیے

روشنی بن کر بکھرنے کے لیے

زندگی ہے عشق کرنے کے لیے

انگلیوں کو ہم قلم کرتے رہے

چاہتوں میں رنگ بھرنے کے لیے

توڑ ڈالا ہے خود اپنے آپ کو

ایک گھر تعمیر کرنے کے لیے

آئنے میں روبرو تھا اجنبی

آج جب سوچا سنورنے کے لیے

میں وظیفہ پڑھ رہی ہوں رات دن

آپ کے دل میں اترنے کے لیے

جانتی ہوں اک بہانہ چاہیے

آپ کو مجھ سے مکرنے کے لیے

raushni ban kar bikharne ke liye

zindagi hai ishq karne ke liye

ungliyon ko ham qalam karte rahe

chahaton mein rang bharne ke liye

tor dala hai khud apne ap ko

ek ghar taamir karne ke liye

aine mein rubaru tha ajnabi

aj jab socha sanwarne ke liye

main wazifa parh rahi hun rat din

ap ke dil mein utarne ke liye

janti hun ik bahana chahiye

ap ko mujh se mukarne ke liye