ورق ورق تجھے تحریر کرتا رہتا ہوں

ورق ورق تجھے تحریر کرتا رہتا ہوں

میں زندگی تری تشہیر کرتا رہتا ہوں

بہت عزیز ہے مجھ کو مسافتوں کی تھکن

سفر کو پاؤں کی زنجیر کرتا رہتا ہوں

مصوروں کو ہے زعم مصوری لیکن

میں اپنی زیست کو تصویر کرتا رہتا ہوں

میں سونپ دیتا ہوں ہر رات اپنے خوابوں کو

ہر ایک صبح کو تعبیر کرتا رہتا ہوں

سپر بناتا ہوں لفظوں کو شعر میں لیکن

قلم کو اپنے میں شمشیر کرتا رہتا ہوں

ہزار عیب خود اپنے ہی نام میں لکھ کر

میں تیری رائے ہمہ گیر کرتا رہتا ہوں

وہ میری فکر میں بدلے کا زہر گھولتا ہے

مگر میں زہر کو اکسیر کرتا رہتا ہوں

میں شہر شہر بھٹکتا ہوں اور روزانہ

خود اپنی ذات کی تعمیر کرتا رہتا ہوں

لکھے ہیں حصے میں میرے رئیسؔ سناٹے

نوائے وقت کی تسخیر کرتا رہتا ہوں

waraq waraq tujhe tahrir karta rahta hun

main zindagi tiri tashhir karta rahta hun

bahut aziz hai mujh ko masafaton ki thakan

safar ko paon ki zanjir karta rahta hun

musawwiron ko hai zaam musawwiri lekin

main apni zist ko taswir karta rahta hun

main saunp deta hun har rat apne khwabon ko

har ek subh ko taabir karta rahta hun

sipar banata hun lafzon ko sher mein lekin

qalam ko apne mein shamshir karta rahta hun

hazar aib khud apne hi nam mein likh kar

main teri rae hama gir karta rahta hun

wo meri fikr mein badle ka zahr gholta hai

magar main zahr ko iksir karta rahta hun

main shahr shahr bhatakta hun aur rozana

khud apni zat ki taamir karta rahta hun

likhe hain hisse mein mere rais sannate

nawa-e-waqt ki taskhir karta rahta hun