عشق نے میرے جسے القاب کا دفتر دیا

عشق نے میرے جسے القاب کا دفتر دیا

اس نے سونے کو مجھے کانٹوں بھرا بستر دیا

میری تحریروں سے خائف ہو کے پھر اغیار نے

رنگ کوئی اور افسانوں میں میرے بھر دیا

تیرے آنگن سے اترتی چاندنی نے اب تلک

خوف بخشا سسکیاں دیں اور مجھ کو ڈر دیا

جا تری جھولی میں میں نے اپنی خوشیاں ڈال دیں

جا ترے دامن کو امیدوں سے میں نے بھر دیا

تیری چاہت کا بھرم رکھنے کا سودا سر میں تھا

ہم نے اپنا گھر دیا پھر زر دیا پھر سر دیا

جب ہنر اس کی محبت کا کھلا مجھ پر سبینؔ

قید اس نے گھر کی دیواروں میں مجھ کو کر دیا

ishq ne mere jise alqab ka daftar diya

us ne sone ko mujhe kanton bhara bistar diya

meri tahriron se khaif ho ke phir aghyar ne

rang koi aur afsanon mein mere bhar diya

tere angan se utarti chandni ne ab talak

khauf bakhsha siskiyan den aur mujh ko dar diya

ja tiri jholi mein main ne apni khushiyan dal den

ja tire daman ko ummidon se main ne bhar diya

teri chahat ka bharam rakhne ka sauda sar mein tha

ham ne apna ghar diya phir zar diya phir sar diya

jab hunar us ki mohabbat ka khula mujh par sabyun

qaid us ne ghar ki diwaron mein mujh ko kar diya