جن کے ہاتھوں میں سر ہمارے ہیں

جن کے ہاتھوں میں سر ہمارے ہیں

وہ ہمیں جان سے بھی پیارے ہیں

مت فلک پر ہمیں تلاش کرو

ہم تو ٹوٹے ہوئے ستارے ہیں

قیسؔ و فرہادؔ و ہیر کی صورت

عشق نے کتنے روپ دھارے ہیں

غور کیجے ذرا تو ہم اور آپ

ایک دریا کے دو کنارے ہیں

لاکھ کچھ بھی کہے ہمیں دنیا

ہم ہیں ان کے تو وہ ہمارے ہیں

بھوک افلاس رنج مایوسی

زندگی تیرے استعارے ہیں

تیری چاہت میں عشق کی بازی

جیت جانے کے بعد ہارے ہیں

تجھ کو کھونا تجھے خفا کرنا

یہ خسارے بڑے خسارے ہیں

کاش کوئی کبھی کہے ہم سے

جان ہم آج بھی تمہارے ہیں

جن میں خوشیاں نصیب ہوتی ہیں

ہم نے وہ دن کہاں گزارے ہیں

ہم نے دنیا میں آ کے دیکھ لیا

آپ دنیا میں سب سے پیارے ہیں

وہ مری جان کے ہوئے دشمن

جن کے صدقے کبھی اتارے ہیں

میں نے کاغذ پہ جو لکھے تھے ثبینؔ

کچھ مضامین ان میں نیارے ہیں

jin ke hathon mein sar hamare hain

wo hamen jan se bhi pyare hain

mat falak par hamen talash karo

ham to tute hue sitare hain

qais-o-farhad-o-hir ki surat

ishq ne kitne rup dhare hain

ghaur kije zara to ham aur ap

ek dariya ke do kinare hain

lakh kuchh bhi kahe hamen duniya

ham hain un ke to wo hamare hain

bhuk iflas ranj mayusi

zindagi tere istiare hain

teri chahat mein ishq ki bazi

jit jane ke baad hare hain

tujh ko khona tujhe khafa karna

ye khasare bare khasare hain

kash koi kabhi kahe ham se

jan ham aj bhi tumhare hain

jin mein khushiyan nasib hoti hain

ham ne wo din kahan guzare hain

ham ne duniya mein a ke dekh liya

ap duniya mein sab se pyare hain

wo miri jan ke hue dushman

jin ke sadqe kabhi utare hain

main ne kaghaz pe jo likhe the saben

kuchh mazamin un mein niare hain