عمر بھر بوجھ اٹھایا تو نہیں جا سکتا

عمر بھر بوجھ اٹھایا تو نہیں جا سکتا

ہر تعلق کو نبھایا تو نہیں جا سکتا

آپ اس بار بھی دیوار میں چنوا دیں مجھے

اب کے بھی سر یہ جھکایا تو نہیں جا سکتا

روز مرنے کا ہنر جس نے سکھایا ہے مجھے

اس کا احسان بھلایا تو نہیں جا سکتا

چشم بینا ہے مگر عقل سے نا بینا ہیں

آئنہ ان کو دکھایا تو نہیں جا سکتا

تم نے اک عمر مرے دل پہ حکومت کی ہے

تم کو پل بھر میں بھلایا تو نہیں جا سکتا

جن کو الفاظ سے ڈسنے کا ہنر آتا ہے

ہاتھ اب ان سے ملایا تو نہیں جا سکتا

جس قدر سنگ زنی چاہیے کر لیں مجھ پر

سنگ زادی کو رلایا تو نہیں جا سکتا

ہوں مکیں جن میں کئی سال سے زندہ لاشیں

ان مکانوں کو سجایا تو نہیں جا سکتا

جس کی خاموشی میں آسیب سکوں کرتے ہوں

ایسا ویرانہ بسایا تو نہیں جا سکتا

تو بت عشق نہیں تو تو خدا ہے میرا

اب تجھے ہاتھ لگایا تو نہیں جا سکتا

umr bhar bojh uthaya to nahin ja sakta

har taalluq ko nibhaya to nahin ja sakta

ap is bar bhi diwar mein chunwa den mujhe

ab ke bhi sar ye jhukaya to nahin ja sakta

roz marne ka hunar jis ne sikhaya hai mujhe

us ka ehsan bhulaya to nahin ja sakta

chashm-e-bina hai magar aql se na bina hain

aina un ko dikhaya to nahin ja sakta

tum ne ik umr mire dil pe hukumat ki hai

tum ko pal bhar mein bhulaya to nahin ja sakta

jin ko alfaz se dasne ka hunar ata hai

hath ab un se milaya to nahin ja sakta

jis qadar sang zani chahiye kar len mujh par

sang zadi ko rulaya to nahin ja sakta

hun makin jin mein kai sal se zinda lashen

in makanon ko sajaya to nahin ja sakta

jis ki khamoshi mein aseb sukun karte hun

aisa wirana basaya to nahin ja sakta

tu but-e-ishq nahin to to khuda hai mera

ab tujhe hath lagaya to nahin ja sakta