کب دیا یہ جلا ہوا کے لیے

کب دیا یہ جلا ہوا کے لیے

عشق ہوتا نہیں فنا کے لیے

یاد مجھ کو نہ آ خدا کی طرح

اب مجھے بخش دے خدا کے لیے

آج دیکھا شہاب ثاقب تو

ہاتھ پھیلا دیے دعا کے لیے

میں نے پوچھا کہ زندگی کیوں ہے

ہنس کے بولا تری سزا کے لیے

ایک لمحے کو جو اماں دے دے

کتنا ترسے ہیں اس ردا کے لیے

دل سے کوئی صدا نہیں ابھری

جب سے بچھڑا ہے وہ سدا کے لیے

مار دیتی ہے جان سے ہم کو

پھر بھی مرتے ہیں ہم انا کے لیے

اپنے خوں سے دیا جلایا ہے

میں نے اس سر پھری ہوا کے لیے

روح کو بھی اسیر کر ڈالا

ہم نے صیاد کی رضا کے لیے

کون ان کو مٹا سکا ہے ثبینؔ

مٹ گئے ہیں جو کربلا کے لیے

kab diya ye jala hawa ke liye

ishq hota nahin fana ke liye

yad mujh ko na a khuda ki tarah

ab mujhe bakhsh de khuda ke liye

aj dekha shahab-e-saqib to

hath phaila diye dua ke liye

main ne puchha ke zindagi kyun hai

hans ke bola tiri saza ke liye

ek lamhe ko jo aman de de

kitna tarse hain is rida ke liye

dil se koi sada nahin ubhri

jab se bichhra hai wo sada ke liye

mar deti hai jan se ham ko

phir bhi marte hain ham ana ke liye

apne khun se diya jalaya hai

main ne is sar phiri hawa ke liye

ruh ko bhi asir kar dala

ham ne sayyad ki raza ke liye

kaun un ko mita saka hai saben

mit gae hain jo karbala ke liye