لکھا تھا نام جو اک شام کورے کاغذ پر

لکھا تھا نام جو اک شام کورے کاغذ پر

وہ نام کیوں ہوا بدنام کورے کاغذ پر

کیے گئے تھے جو تعمیر سنگ مرمر سے

بکھر گئے وہ در و بام کورے کاغذ پر

گواہی دیتا ہے اسود بھی جس کے دامن کی

کیا گیا اسے بدنام کورے کاغذ پر

بنا تھا رشتہ فلک پر جو کن کے بعد کبھی

برا ہے اس کا ہی انجام کورے کاغذ پر

مزا تو جب ہے کہ احساس اس تلک پہنچے

لکھوں میں کیوں اسے پیغام کورے کاغذ پر

جو اپنے منصب عالی کے ساتھ آئیں گے

لکھے گئے وہ بڑے نام کورے کاغذ پر

وہ جس کی آس پہ گزرا تمام دن میرا

سسک کے رہ گئی وہ شام کورے کاغذ پر

بنا رہا تھا وہ تصویر جس گھڑی میری

چھلک کے رہ گئے دو جام کورے کاغذ پر

گناہ گار محبت لکھا گیا مجھ کو

دیا گیا مجھے انعام کورے کاغذ پر

likha tha nam jo ik sham kore kaghaz par

wo nam kyun hua badnam kore kaghaz par

kiye gae the jo taamir sang-e-marmar se

bikhar gae wo dar-o-bam kore kaghaz par

gawahi deta hai aswad bhi jis ke daman ki

kiya gaya use badnam kore kaghaz par

bana tha rishta falak par jo kin ke baad kabhi

bura hai us ka hi anjam kore kaghaz par

maza to jab hai ke ehsas is talak pahunche

lakhon mein kyun use paigham kore kaghaz par

jo apne mansab-e-ali ke sath aenge

likhe gae wo bare nam kore kaghaz par

wo jis ki as pe guzra tamam din mera

sisak ke rah gai wo sham kore kaghaz par

bana raha tha wo taswir jis ghari meri

chhalak ke rah gae do jam kore kaghaz par

gunah gar mohabbat likha gaya mujh ko

diya gaya mujhe inam kore kaghaz par