تجھے بھلانے کی اب جستجو نہیں کرتے

تجھے بھلانے کی اب جستجو نہیں کرتے

کہ اب کسی سے تری گفتگو نہیں کرتے

وجود کو مرے موجودگی سمجھتے ہیں

وہ نا سمجھ جو مری آرزو نہیں کرتے

ہیں مہربان شجر کس قدر کہ ہو کے خفا

کبھی وہ پھولوں کو بے رنگ و بو نہیں کرتے

جو اپنے عشق کو خود میں سمائے پھرتے ہیں

تلاش پھر وہ اسے کو بہ کو نہیں کرتے

وہ جن کو پاس ہو اپنے گھروں کی حرمت کا

کسی کو وہ کبھی بے آبرو نہیں کرتے

رموز عشق جو اک بار جان لیتے ہیں

کسی کے دل کو کبھی وہ لہو نہیں کرتے

نماز غزلوں کی میری ادا نہیں ہوتی

جو حرف نام سے تیرے وضو نہیں کرتے

tujhe bhulane ki ab justuju nahin karte

ke ab kisi se tiri guftugu nahin karte

wajud ko mire maujudgi samajhte hain

wo na samajh jo miri arzu nahin karte

hain mehrban shajar kis qadar ke ho ke khafa

kabhi wo phulon ko be rang-o-bu nahin karte

jo apne ishq ko khud mein sama-e-phirte hain

talash phir wo use ku ba ku nahin karte

wo jin ko pas ho apne gharon ki hurmat ka

kisi ko wo kabhi be abru nahin karte

rumuz-e-ishq jo ik bar jan lete hain

kisi ke dil ko kabhi wo lahu nahin karte

namaz ghazlon ki meri ada nahin hoti

jo harf nam se tere wuzu nahin karte