بہت سے سیل حوادث کی زد پہ بہہ گئے ہیں

بہت سے سیل حوادث کی زد پہ بہہ گئے ہیں

یہ چند ایک درختان سبز رہ گئے ہیں

مکین دشت کے فی الفور دشت چھوڑ گئے

کہ شیر زاد خموشی سے وار سہہ گئے ہیں

زمین بانجھ ہے نازاد ہو گئے کھلیان

اگرچہ صبح و مسا بار بار گہہ گئے ہیں

پرندگاں! تمہیں کچھ بھی خبر نہ ہو پائی

درخت ڈھے گئے انبار آب بہہ گئے ہیں

بہار اب کے جو گزری تو پھر نہ آئے گی

بچھڑنے والے بچھڑتے سمے یہ کہہ گئے ہیں

bahut se sail-e-hawadis ki zad pe bah gae hain

ye chand ek darakhtan sabz rah gae hain

makin dasht ke fi alfaur dasht chhor gae

ke sher zad khamoshi se war sah gae hain

zamin banjh hai nazad ho gae khalyan

agarche subh-o-masa bar bar gah gae hain

parindgan! tumhen kuchh bhi khabar na ho pai

darakht dhe gae ambar ab bah gae hain

bahar ab ke jo guzri to phir na aegi

bichharne wale bichharte samay ye kah gae hain