میں ہر ایک بات کہاں کہاں نہیں بھولتا

میں ہر ایک بات کہاں کہاں نہیں بھولتا

مگر ایک شام فراق جاں نہیں بھولتا

وہ جو روز دیتا تھا صبح نو کی بشارتیں

وہ ہوا کا موجہ مہرباں نہیں بھولتا

وہ جسے بھلا کے مجھے تھا خود کو تلاشنا

وہی ایک شاہد گل رخاں نہیں بھولتا

وہ جو چرخ جاں پہ بس ایک پل کو جلا بجھا

وہی اک شہاب شرر نشاں نہیں بھولتا

کبھی خواب میں کبھی رتجگوں کے عذاب میں

وہ ستارۂ سر کہکشاں نہیں بھولتا

main har ek bat kahan kahan nahin bhulta

magar ek sham-e-firaq-e-jan nahin bhulta

wo jo roz deta tha subh-e-nau ki basharaten

wo hawa ka mauja mehrban nahin bhulta

wo jise bhula ke mujhe tha khud ko talashna

wahi ek shahid-e-gul rukhan nahin bhulta

wo jo charkh-e-jan pe bas ek pal ko jala bujha

wahi ik shahab-e-sharar nishan nahin bhulta

kabhi khwab mein kabhi ratjagon ke azab mein

wo sitara-e-sar-e-kahkashan nahin bhulta