کیا زندگی ہے کوئی سزا سوچنا پڑا

کیا زندگی ہے کوئی سزا سوچنا پڑا

کیوں مانگتے ہیں لوگ دعا سوچنا پڑا

تیرا بدن یہ تیری جوانی ترا چلن

کس کس کو لگ رہی ہے ہوا سوچنا پڑا

سب کے بدن لباس سے باہر نکل نہ آئیں

یہ ڈنک کون مار گیا سوچنا پڑا

بے کس غریب پر کہ غریبی ہٹاؤ پر

سرمایہ دار کس پہ ہنسا سوچنا پڑا

کیا وہ ہے بےوقوف کہ جو بولتا ہے سچ

اس بات کو سمجھنا پڑا سوچنا پڑا

قاتل نے آج پھینک دی تلوار کیوں قمرؔ

کاٹا تھا اس نے کس کا گلا سوچنا پڑا

kya zindagi hai koi saza sochna para

kyun mangte hain log dua sochna para

tera badan ye teri jawani tira chalan

kis kis ko lag rahi hai hawa sochna para

sab ke badan libas se bahar nikal na aen

ye dank kaun mar gaya sochna para

be kis gharib par ke gharibi hatao par

sarmaya dar kis pe hansa sochna para

kya wo hai bewuquf ke jo bolta hai sach

is bat ko samajhna para sochna para

qatil ne aj phenk di talwar kyun qamar

kata tha us ne kis ka gila sochna para