لوگ پھرتے ہیں در بدر تنہا

لوگ پھرتے ہیں در بدر تنہا

ہو گیا کیا ہر ایک گھر تنہا

تو کسی آفتاب کی مانند

وقت کی اوٹ سے ابھر تنہا

راستہ غم کا کتنا نازک ہے

اس طرف سے کبھی گزر تنہا

کم سے کم ہو رہے ہیں اہل ہنر

رہ نہ جائے کہیں ہنر تنہا

روشنی سب کے کام آتی ہے

شمع جلتی ہے رات بھر تنہا

چھوڑ دے حوصلہ جو ساتھ اگر

کٹ نہیں پائے گا سفر تنہا

کٹتی جاتی ہے زندگی تو قمرؔ

ہوتی جاتی ہے ہر ڈگر تنہا

log phirte hain dar badar tanha

ho gaya kya har ek ghar tanha

tu kisi aftab ki manind

waqt ki ot se ubhar tanha

rasta gham ka kitna nazuk hai

is taraf se kabhi guzar tanha

kam se kam ho rahe hain ahl-e-hunar

rah na jae kahin hunar tanha

raushni sab ke kam ati hai

shama jalti hai rat bhar tanha

chhor de hausla jo sath agar

kat nahin paega safar tanha

katti jati hai zindagi to qamar

hoti jati hai har dagar tanha