دیکھ نہ اس طرح گزار عرصۂ چشم سے مجھے

دیکھ نہ اس طرح گزار عرصۂ چشم سے مجھے

فرصت دید ہو نہ ہو مہلت خواب دے مجھے

بسکہ گزشتنی ہے وقت بسکہ شکستنی ہے دل

خواب کوئی دکھا کہ جو یاد نہ آ سکے مجھے

خام ہی رکھ کے پختگی شکل ہے اک شکست کی

آتش وصل کی جگہ خاک فراق دے مجھے

ہاں اے غبار آشنا میں بھی تھا ہم سفر ترا

پی گئیں منزلیں تجھے کھا گئے راستے مجھے

دیر سے رو نہیں سکا دور ہوں سو نہیں سکا

غم جو رلا سکے مجھے سم جو سلا سکے مجھے

dekh na is tarah guzar-e-arsa-e-chashm se mujhe

fursat-e-did ho na ho mohlat-e-khwab de mujhe

baske guzashtni hai waqt baske shikastni hai dil

khwab koi dikha ke jo yad na a sake mujhe

kham hi rakh ke pukhtagi shakl hai ik shikast ki

atish-e-wasl ki jagah khak firaq de mujhe

han ai ghubar ashna mein bhi tha ham safar tira

pi gain manzilen tujhe kha gae raste mujhe

der se ro nahin saka dur hun so nahin saka

gham jo rula sake mujhe sam jo sula sake mujhe