پھر جلا کوئی آشیاں صاحب

پھر جلا کوئی آشیاں صاحب

پھر فضا ہے دھواں دھواں صاحب

ہے ضمیر ایک آئنے کی طرح

دیکھیے اپنی خامیاں صاحب

آپ کا ساتھ کیا ہوا ہے نصیب

میرا رستہ ہے کہکشاں صاحب

صرف آنکھوں سے بات ہوتی ہے

عشق رکھتا نہیں زباں صاحب

جب برائی کو اس نے بویا ہے

کیسے کاٹے وہ نیکیاں صاحب

پیڑ اب چھاؤں دے نہیں سکتا

توڑ ڈالی ہیں ڈالیاں صاحب

کیا حقیقت ہے سامنے آئے

لیں قمرؔ کا بھی امتحاں صاحب

phir jala koi ashiyan sahab

phir faza hai dhuan dhuan sahab

hai zamir ek aine ki tarah

dekhiye apni khamiyan sahab

ap ka sath kya hua hai nasib

mera rasta hai kahkashan sahab

sirf ankhon se bat hoti hai

ishq rakhta nahin zaban sahab

jab burai ko us ne boya hai

kaise kate wo nekiyan sahab

per ab chhaon de nahin sakta

tor dali hain daliyan sahab

kya haqiqat hai samne ae

len qamar ka bhi imtihan sahab