انسان کو انساں سے کچھ کام نہیں ہوتا

انسان کو انساں سے کچھ کام نہیں ہوتا

دنیا میں محبت کا جب نام نہیں ہوتا

یہ کیسی حقیقت ہے اے دوست محبت میں

آغاز تو ہوتا ہے انجام نہیں ہوتا

تم سے تو نہ کچھ ہوگا اے چارہ گرو جاؤ

بیمار محبت کو آرام نہیں ہوتا

یہ منزل آخر ہے آ جاؤ عیادت کو

آ جانے سے ایسے میں الزام نہیں ہوتا

لازم ہے سمجھ لینا نظروں کی زباں صاحب

لفظوں سے محبت میں کچھ کام نہیں ہوتا

بڑھتے ہوئے دھارے ہوں برپا ہو قمرؔ طوفاں

ہمت سے جو بڑھ جائے ناکام نہیں ہوتا

insan ko insan se kuchh kam nahin hota

duniya mein mohabbat ka jab nam nahin hota

ye kaisi haqiqat hai ai dost mohabbat mein

aghaz to hota hai anjam nahin hota

tum se to na kuchh hoga ai chara giro jao

bimar-e-mohabbat ko aram nahin hota

ye manzil-e-akhir hai a jao ayadat ko

a jane se aise mein ilzam nahin hota

lazim hai samajh lena nazron ki zaban sahab

lafzon se mohabbat mein kuchh kam nahin hota

barhte hue dhare hun barpa ho qamar tufan

himmat se jo barh jae nakam nahin hota