بنتے ہی شہر کا یہ دیکھیے ویراں ہونا

بنتے ہی شہر کا یہ دیکھیے ویراں ہونا

آنکھ کھلتے ہی مرا دہر میں گریاں ہونا

دل کی میرے جو کوئی شومئ قسمت دیکھے

باور آ جائے گلستاں کا بیاباں ہونا

چشم و ابرو کے لیے اشک ہیں ساز و نغمہ

میرا گریہ مری آنکھوں کا غزل خواں ہونا

زخم ہیں لالہ و گل پرتو صحن گلشن

دیکھیے دل کا مرے رشک گلستاں ہونا

دشت پیمائی سے بے زار تمنائیں ہیں

بار ہے ان کو مرے قلب کا مہماں ہونا

ان میں کیا فرق ہے اب اس کا بھی احساس نہیں

درد اور دل کا ذرا دیکھیے یکساں ہونا

اب نظر آتے ہو مسجد میں جناب مہدیؔ

شیب میں تم کو مبارک ہو مسلماں ہونا

bante hi shahr ka ye dekhiye wiran hona

ankh khulte hi mira dahr mein giryan hona

dil ki mere jo koi shumi-e-qismat dekhe

bawar a jae gulistan ka bayaban hona

chashm-o-abru ke liye ashk hain saz-o-naghma

mera girya miri ankhon ka ghazal khwan hona

zakhm hain lala-o-gul partau sehn-e-gulshan

dekhiye dil ka mire rashk-e-gulistan hona

dasht paimai se be zar tamannaen hain

bar hai un ko mire qalb ka mehman hona

un mein kya farq hai ab us ka bhi ehsas nahin

dard aur dil ka zara dekhiye yaksan hona

ab nazar ate ho masjid mein janab-e-mahdi

sheb mein tum ko mubarak ho musalman hona