منزل پہ پہنچنے کا مجھے شوق ہوا تیز

منزل پہ پہنچنے کا مجھے شوق ہوا تیز

رستہ ملا دشوار تو میں اور چلا تیز

ہاتھوں کو ڈبو آئے ہو تم کس کے لہو میں

پہلے تو کبھی اتنا نہ تھا رنگ حنا تیز

مجھ کو یہ ندامت ہے کہ میں سخت گلو تھا

تجھ سے یہ شکایت ہے کہ خنجر نہ کیا تیز

چل میں تجھے رفتار کا انداز سکھا دوں

ہمراہ مرے سست قدم مجھ سے جدا تیز

افسردگئ گل پہ بھریں کس نے یہ آہیں

چلتی ہے سر صحن چمن آج ہوا تیز

اب مجھ کو نظر پھیر کے اک جام دے ساقی

پھر کون سنبھالے گا اگر نشہ ہوا تیز

انسان کے ہر غم پہ صباؔ چوٹ لگی ہے

شیشے کے چٹخنے کی بھی تھی کتنی صدا تیز

manzil pe pahunchne ka mujhe shauq hua tez

rasta mila dushwar to main aur chala tez

hathon ko dubo ae ho tum kis ke lahu mein

pahle to kabhi itna na tha rang-e-hina tez

mujh ko ye nadamat hai ke main sakht galo tha

tujh se ye shikayat hai ke khanjar na kiya tez

chal mein tujhe raftar ka andaz sikha dun

hamrah mire sust qadam mujh se juda tez

afsurdagi-e-gul pe bharen kis ne ye ahen

chalti hai sar sehn-e-chaman aj hua tez

ab mujh ko nazar pher ke ik jam de saqi

phir kaun sambhalega agar nasha hua tez

insan ke har gham pe saba chot lagi hai

shishe ke chatakhne ki bhi thi kitni sada tez