اجالا کر کے ظلمت میں گھرا ہوں

اجالا کر کے ظلمت میں گھرا ہوں

چراغ رہ گزر تھا بجھ گیا ہوں

تری تصویر کیسے بن سکے گی

ہر اک سادہ ورق کو دیکھتا ہوں

مجھے طوفان سے شکوہ نہیں ہے

ہلاک بے رخیٔ ناخدا ہوں

ترے تیروں کا اندازہ کروں گا

ابھی تو زخم دل کے گن گا رہا ہوں

تمہیں سورج نظر آئیں گے اپنے

میں آئینہ ہوں اور ٹوٹا ہوا ہوں

صبا آہستہ آہستہ اڑوں گا

میں دست ناز کا رنگ حنا ہوں

ujala kar ke zulmat mein ghira hun

charagh-e-rah guzar tha bujh gaya hun

tiri taswir kaise ban sakegi

har ik sada waraq ko dekhta hun

mujhe tufan se shikwa nahin hai

halak-e-be rukhi-e-nakhuda hun

tire tiron ka andaza karunga

abhi to zakhm-e-dil ke gin ga raha hun

tumhen suraj nazar aenge apne

main aina hun aur tuta hua hun

saba ahista ahista urunga

main dast-e-naz ka rang-e-hina hun