سادگی تو ہماری ذرا دیکھیے اعتبار آپ کے وعدے پر کر لیا

سادگی تو ہماری ذرا دیکھیے اعتبار آپ کے وعدے پر کر لیا

بات تو صرف اک رات کی تھی مگر انتظار آپ کا عمر بھر کر لیا

عشق میں الجھنیں پہلے ہی کم نہ تھیں اور پیدا نیا درد سر کر لیا

ذکر اک بے وفا اور ستم گر کا تھا آپ کا ایسی باتوں سے کیا واسطہ

آپ تو بے وفا اور ستم گر نہیں آپ نے کس لیے منہ ادھر کر لیا

زندگی بھر کے شکوے گلے تھے بہت وقت اتنا کہاں تھا کہ دہراتے ہم

ایک ہچکی میں کہہ ڈالی سب داستاں ہم نے قصے کو یوں مختصر کر لیا

بے قراری ملے گی مجھے نہ سکوں چین چھن جائے گا نیند اڑ جائے گی

اپنا انجام سب ہم کو معلوم تھا آپ نے دل کا سودا مگر کر لیا

زندگی کے سفر میں بہت دور تک جب کوئی دوست آیا نہ ہم کو نظر

ہم نے گھبرا کے تنہائیوں سے صباؔ ایک دشمن کو خود ہم سفر کر لیا

sadgi to hamari zara dekhiye etibar ap ke waade par kar liya

bat to sirf ik rat ki thi magar intizar ap ka umr bhar kar liya

ishq mein uljhanen pahle hi kam na thin aur paida naya dard-e-sar kar liya

zikr ik be wafa aur sitam gar ka tha ap ka aisi baton se kya wasta

ap to be wafa aur sitam gar nahin ap ne kis liye munh idhar kar liya

zindagi bhar ke shikwe gale the bahut waqt itna kahan tha ke dohrate ham

ek hichki mein kah dali sab dastan ham ne qisse ko yun mukhtasar kar liya

be qarari milegi mujhe na sakun chain chhin jaega nind ur jaegi

apna anjam sab ham ko maalum tha ap ne dil ka sauda magar kar liya

zindagi ke safar mein bahut dur tak jab koi dost aya na ham ko nazar

ham ne ghabra ke tanhaiyon se saba ek dushman ko khud ham safar kar liya