میرا یہ جسم تو بے شک یہاں ہے

میرا یہ جسم تو بے شک یہاں ہے

مگر دل تو وہیں ہے تو جہاں ہے

جو راہ زیست میں ہر سو دھواں ہے

امیدوں کا غبار کارواں ہے

امیدیں باندھ بڑھ آگے اکیلے

کہ رہ جاتا یہیں ہر کارواں ہے

مری مانو تو سیدھی راہ چلنا

ادھر کھائی ادھر اندھا کنواں ہے

ترے سب کشٹ ہر آنند دے گا

وہ لیتا پہلے سب کا امتحاں ہے

یہ آنکھوں کی عجب دریا دلی ہے

خوشی ہو یا کہ غم آنسو رواں ہے

ہنسی میں مت اڑا میری کہانی

ترے جذبات ہیں میری زباں ہے

نیاؔ کیوں تیز ہے دھڑکن مرے دل

وہ شاید آج مجھ پہ مہرباں ہے

mera ye jism to be shak yahan hai

magar dil to wahin hai to jahan hai

jo rah-e-zist mein har su dhuan hai

ummidon ka ghubar-e-karwan hai

ummiden bandh barh age akele

ke rah jata yahin har karwan hai

miri mano to sidhi rah chalna

idhar khai idhar andha kuan hai

tire sab kasht har anand dega

wo leta pahle sab ka imtihan hai

ye ankhon ki ajab dariya dili hai

khushi ho ya ke gham ansu rawan hai

hansi mein mat ura meri kahani

tire jazbat hain meri zaban hai

naya kyun tez hai dharkan mire dil

wo shayad aj mujh pe mehrban hai