پھر سے ترے نقوش نظر پہ عیاں ہوئے

پھر سے ترے نقوش نظر پہ عیاں ہوئے

لو پھر وصال یار کے لمحے جواں ہوئے

اک بات بڑھ کے باعث ناراضگی ہوئی

کچھ لفظ منہ سے نکلے تو آہ و فغاں ہوئے

تیرے سبھی دروغ وجاہت میں چھپ گئے

اور میری صاف بات پہ کتنے گماں ہوئے

کیوں کر کریں گے یاد وہ درد فراق میں

ہم اس قدر قریب بھی ان کے کہاں ہوئے

مہلت ہی کب ملی کہ سنبھل پاتے ہم قمرؔ

ہم پر تو جتنے ظلم ہوئے ناگہاں ہوئے

phir se tire nuqush-e-nazar pe ayan hue

lo phir wisal-e-yar ke lamhe jawan hue

ik bat barh ke bais-e-narazgi hui

kuchh lafz munh se nikle to ah-o-fughan hue

tere sabhi darogh-e-wajahat mein chhup gae

aur meri saf bat pe kitne guman hue

kyun kar karenge yad wo dard-e-firaq mein

ham is qadar qarib bhi un ke kahan hue

mohlat hi kab mili ke sambhal pate ham qamar

ham par to jitne zulm hue nagahan hue