ابر کوہسار تری آس کے مارے ہوئے ہم

ابر کوہسار تری آس کے مارے ہوئے ہم

مر ہی جائیں نہ کہیں پیاس کے مارے ہوئے ہم

اپنی تقدیر کہاں رام سی اے اہل جہاں

گھر نہ آ پائیں گے بنواس کے مارے ہوئے ہم

کیا سنواریں گے کبھی حال کبھی مستقبل

ایک مدت سے ہیں اتہاس کے مارے ہوئے ہم

بھول جانا تمہیں آسان کہاں آج بھی ہے

بھول سکتے نہیں احساس کے مارے ہوئے ہم

جو بھی جینے کا اثاثہ ہے رکھیں گے گروی

ورنہ مر جائیں گے افلاس کے مارے ہوئے ہم

abr-e-kohsar tiri as ke mare hue ham

mar hi jaen na kahin pyas ke mare hue ham

apni taqdir kahan ram si ai ahl-e-jahan

ghar na a paenge banwas ke mare hue ham

kya sanwarenge kabhi hal kabhi mustaqbil

ek muddat se hain ithas ke mare hue ham

bhul jana tumhen asan kahan aj bhi hai

bhul sakte nahin ehsas ke mare hue ham

jo bhi jine ka asasa hai rakhenge girwi

warna mar jaenge iflas ke mare hue ham