کسی کی چاہ میں حد سے گزر گئے ہوتے

کسی کی چاہ میں حد سے گزر گئے ہوتے

تو نام سارے زمانے میں کر گئے ہوتے

ہماری پیاس کی رکھ لی ہے لاج صحرا نے

سمندروں کے سہارے تو مر گئے ہوتے

جو میرے سینہ پے ہنس کے وہ ہاتھ رکھ دیتے

تو زخم دل کے سبھی میرے بھر گئے ہوتے

کسی کی یاد نے ہم کو سنبھال رکھا ہے

وگرنہ ہجر میں کب کے ہی مر گئے ہوتے

تمہاری یادوں کے سارے ہی رنگ پکے ہیں

جو ہوتے کچے تو کب کے اتر گئے ہوتے

ہمیں تو ماں کی دعاؤں کا ہی سہارا ہے

نہیں تو صحرا میں صابرؔ بکھر گئے ہوتے

kisi ki chah mein had se guzar gae hote

tu nam sare zamane mein kar gae hote

hamari pyas ki rakh li hai laj sahra ne

samundaron ke sahare to mar gae hote

jo mere sina pe hans ke wo hath rakh dete

tu zakhm-e-dil ke sabhi mere bhar gae hote

kisi ki yad ne ham ko sambhal rakha hai

wagarna hijr mein kab ke hi mar gae hote

tumhari yadon ke sare hi rang pake hain

jo hote kachche to kab ke utar gae hote

hamen to man ki duaon ka hi sahara hai

nahin to sahra mein sabir bikhar gae hote