خیال و خواب میں دنیا صدا بسائی گئی

خیال و خواب میں دنیا صدا بسائی گئی

اسی لئے تو حقیقت سے آشنائی گئی

تمہاری وجہ سے ملتا تھا ہر کسی سے میں

رہے نہ تم تو سبھی سے وہ آشنائی گئی

طویل رات لگے اب نہ دن لگے چھوٹا

پرانے لوگ گئے داستاں سرائی گئی

مرے بدن کی حدوں تک کیا مجھے محدود

یہ کس حساب سے مجھ کو سزا سنائی گئی

تمہارے ہجر میں یہ حال ہو گیا میرا

تمام رات ہی آنکھوں میں نیند آئی گئی

محبتوں کا صلہ بس یہی ملا صابرؔ

ہوئی جہان میں رسوائی پارسائی گئی

khayal-o-khwab mein duniya sada basai gai

isi liye to haqiqat se ashnai gai

tumhari wajh se milta tha har kisi se main

rahe na tum to sabhi se wo ashnai gai

tawil rat lage ab na din lage chhota

purane log gae dastan sarai gai

mire badan ki hadon tak kiya mujhe mahdud

ye kis hisab se mujh ko saza sunai gai

tumhare hijr mein ye hal ho gaya mera

tamam rat hi ankhon mein nind ai gai

mohabbaton ka sila bas yahi mila sabir

hui jahan mein ruswai parsai gai