کیا تھے اندیشے کہ ہر بات پہ روئے ہم تم

کیا تھے اندیشے کہ ہر بات پہ روئے ہم تم

عشق میں کتنے مقامات پہ روئے ہم تم

آج تک منزل مقصود نہ پائی نہ سہی

تھک کے بیٹھے نہ مسافات پہ روئے ہم تم

دو بدن ساتھ نہ ساون میں کبھی بھیگ سکے

خواہش موسم برسات پہ روئے ہم تم

ساتھ ہنسنے کی تمنا تھی بہت جس کے لئے

خوب جا جا کے مزارات پہ روئے ہم تم

ہم چراغوں کی طرح تھے تو یہ دنیا تھی ہوا

اپنی قسمت کی سیہ رات پہ روئے ہم تم

لوگ روتے ہیں کہاں غیر کے دکھ میں صابرؔ

اور درختوں کے جھرے پات پہ روئے ہم تم

kya the andeshe ke har bat pe roe ham tum

ishq mein kitne maqamat pe roe ham tum

aj tak manzil-e-maqsud na pai na sahi

thak ke baithe na masafat pe roe ham tum

do badan sath na sawan mein kabhi bhig sake

khwahish mausam-e-barsat pe roe ham tum

sath hansne ki tamanna thi bahut jis ke liye

khub ja ja ke mazarat pe roe ham tum

ham charaghon ki tarah the to ye duniya thi hua

apni qismat ki siyah rat pe roe ham tum

log rote hain kahan ghair ke dukh mein sabir

aur darakhton ke jhare pat pe roe ham tum