کب رہائی کے طلب گار تھے ہم بھی تم بھی

کب رہائی کے طلب گار تھے ہم بھی تم بھی

جب محبت میں گرفتار تھے ہم بھی تم بھی

چارہ گر چارہ گری اپنی بھلا بیٹھے تھے

اس قدر عشق میں بیمار تھے ہم بھی تم بھی

حال دل چہرے سے کوئی نہ کبھی جان سکا

اعلیٰ درجے کے اداکار تھے ہم بھی تم بھی

آج کیا کیا نہ جتن کرتے ہیں جینے کے لئے

کل تلک مرنے کو تیار تھے ہم بھی تم بھی

kab rihai ke talab gar the ham bhi tum bhi

jab mohabbat mein giraftar the ham bhi tum bhi

chara gar chara giri apni bhula baithe the

is qadar ishq mein bimar the ham bhi tum bhi

hal-e-dil chehre se koi na kabhi jan saka

aala darje ke adakar the ham bhi tum bhi

aj kya kya na jatan karte hain jine ke liye

kal talak marne ko tayyar the ham bhi tum bhi