بہت رنگین دل کش ہے مجازی پیار کی دنیا

بہت رنگین دل کش ہے مجازی پیار کی دنیا

ابھرنے ہی نہیں دیتی لب و رخسار کی دنیا

زمانہ سے جدا کر دے حقیقت کو فنا کر دے

فقط خوابوں میں لے جائے حسیں دل دار کی دنیا

یہاں جھوٹوں کا میلہ ہے جو بولے سچ اکیلا ہے

یقیں گر ہے نہیں دیکھو ذرا اخبار کی دنیا

غریبوں کو ستاتی ہے امیروں کو بناتی ہے

لڑا کر صرف انساں کو چلے سرکار کی دنیا

طلب سورج کی مت کرنا نہ دامن آگ سے بھرنا

چراغوں سے منور تم کرو گھر بار کی دنیا

ضرورت ڈھونڈھ لیتی ہے کہ رستہ مل ہی جاتا ہے

کرے آدم اگر کوشش کھلے اسرار کی دنیا

bahut rangin dil kash hai majazi pyar ki duniya

ubharne hi nahin deti lab-o-rukhsar ki duniya

zamana se juda kar de haqiqat ko fana kar de

faqat khwabon mein le jae hasin dil dar ki duniya

yahan jhuton ka mela hai jo bole sach akela hai

yaqin gar hai nahin dekho zara akhbar ki duniya

gharibon ko satati hai amiron ko banati hai

lara kar sirf-e-insan ko chale sarkar ki duniya

talab suraj ki mat karna na daman ag se bharna

charaghon se munawwar tum karo ghar bar ki duniya

zarurat dhundh leti hai ke rasta mil hi jata hai

kare adam agar koshish khule asrar ki duniya