ساقیا طنز نہ کر چشم کرم رہنے دے
Qamar Moradabadi (1910–1987)ساقیا طنز نہ کر چشم کرم رہنے دے
میرے ساغر میں اگر کم ہے تو کم رہنے دے
عشق آوارہ کو محروم کرم رہنے دے
اپنے ماتھے پہ شکن زلف میں خم رہنے دے
تو زمانے کو مٹاتا ہے مٹا دے لیکن
عشق کی راہ میں کچھ نقش قدم رہنے دے
میرے الجھے ہوئے حالات غنیمت ہیں مجھے
دل کی باتوں میں نہ آ پرسش غم رہنے دے
آشیاں پھونک کے تکمیل چراغاں کر دے
فصل گل آئی ہے گلشن کا بھرم رہنے دے
زندگی غم سے سنورتی ہے نکھرتی ہے قمر
زندگی کو یوں ہی آلودۂ غم رہنے دے
saqiya tanz na kar chashm-e-karam rahne de
mere saghar mein agar kam hai to kam rahne de
ishq awara ko mahrum-e-karam rahne de
apne mathe pe shikan zulf mein kham rahne de
tu zamane ko mitata hai mita de lekin
ishq ki rah mein kuchh naqsh-e-qadam rahne de
mere uljhe hue halat ghanimat hain mujhe
dil ki baton mein na a pursish-e-gham rahne de
ashiyan phunk ke takmil-e-charaghan kar de
fasl-e-gul ai hai gulshan ka bharam rahne de
zindagi gham se sanwarti hai nikharti hai qamar
zindagi ko yun hi aluda-e-gham rahne de