لذت درد جگر یاد آئی

لذت درد جگر یاد آئی

پھر تری پہلی نظر یاد آئی

درد نے جب کوئی کروٹ بدلی

زندگی بار دگر یاد آئی

پڑ گئی جب ترے دامن پہ نظر

عظمت دیدۂ تر یاد آئی

اپنا کھویا ہوا دل یاد آیا

ان کی مخمور نظر یاد آئی

دیر و کعبہ سے جو ہو کر گزرے

دوست کی راہ گزر یاد آئی

دیکھ کر اس رخ زیبا پہ نقاب

اپنی گستاخ نظر یاد آئی

جب بھی تعمیر نشیمن کی قمرؔ

یورش برق و شرر یاد آئی

lazzat-e-dard-e-jigar yad ai

phir tiri pahli nazar yad ai

dard ne jab koi karwat badli

zindagi bar-e-digar yad ai

par gai jab tire daman pe nazar

azmat dida-e-tar yad ai

apna khoya hua dil yad aya

un ki makhmur nazar yad ai

dair-o-kaaba se jo ho kar guzre

dost ki rah guzar yad ai

dekh kar us rukh-e-zeba pe naqab

apni gustakh nazar yad ai

jab bhi taamir nasheman ki qamar

yurish-e-barq-o-sharar yad ai