چکھو گے اگر پیاس بڑھا دے گا یہ پانی

چکھو گے اگر پیاس بڑھا دے گا یہ پانی

پانی تمہیں ہرگز نہ صباؔ دے گا یہ پانی

اک روز ڈبو دے گا مرے جسم کی کشتی

مجھ سے مجھے آزاد کرا دے گا یہ پانی

پہنچے گا سرابوں کا وہاں بھیس بدل کر

صحرا میں بھی ہر لمحہ صدا دے گا یہ پانی

برسے گا تو خوشبو یہاں مٹی سے اڑے گی

سینے میں مرے آگ لگا دے گا یہ پانی

پتھر سے کسی روز مٹا کر صباؔ تم کو

پانی پہ ہی اک نقش بنا دے گا یہ پانی

chakhoge agar pyas barha dega ye pani

pani tumhen hargiz na saba dega ye pani

ik roz dubo dega mire jism ki kashti

mujh se mujhe azad kara dega ye pani

pahunchega sarabon ka wahan bhes badal kar

sahra mein bhi har lamha sada dega ye pani

barsega to khushbu yahan mitti se uregi

sine mein mire ag laga dega ye pani

patthar se kisi roz mita kar saba tum ko

pani pe hi ik naqsh bana dega ye pani