Arooz is now on the App Store, for iPhone and iPad. Download →

All poetry

ہوا نصیب بنایا سفر لکھا اس نے

Saba Ikram (b. 1945)

ہوا نصیب بنایا سفر لکھا اس نے

تمام عمر پھروں در بدر لکھا اس نے

سلگتی دھوپ کی مانند زیست دی لیکن

نہ سائبان نہ کوئی شجر لکھا اس نے

تمام شہر پہ بے نام خوف طاری ہے

یہ جن کا بھوت کا کس کا اثر لکھا اس نے

یہ اور بات کہ عنواں بنا دیا مجھ کو

غموں کے قصے کو ایک اک سطر لکھا اس نے

اب آئے خوف سا گھر کے خیال سے مجھ کو

یہ کیسا دل میں سر شام ڈر لکھا اس نے