ان پتھروں کے شہر میں دل کا گزر کہاں

ان پتھروں کے شہر میں دل کا گزر کہاں

لے جائیں ہم اٹھا کے یہ شیشے کا گھر کہاں

ہم اپنا نام لے کے خود اپنے ہی شہر میں

گھر گھر پکار آئے کھلا کوئی در کہاں

جیسے ہر ایک در پہ خموشی کا قفل ہو

اب گونجتی ہے شہر میں زنجیر در کہاں

ہر وقت سامنے تھا سمندر خلوص کا

لیکن کسی نے دیکھا کبھی ڈوب کر کہاں

جو چاہو بھی تو جسم سے نکلو گے کس طرح

محبس میں سانس کے کوئی دیوار و در کہاں

اس سخت دوپہر میں کہاں جا کے بیٹھیے

راہوں میں دور تک صباؔ کوئی شجر کہاں

in pattharon ke shahr mein dil ka guzar kahan

le jaen ham utha ke ye shishe ka ghar kahan

ham apna nam le ke khud apne hi shahr mein

ghar ghar pukar ae khula koi dar kahan

jaise har ek dar pe khamoshi ka qufl ho

ab gunjti hai shahr mein zanjir-e-dar kahan

har waqt samne tha samundar khulus ka

lekin kisi ne dekha kabhi dub kar kahan

jo chaho bhi to jism se nikloge kis tarah

mahbas mein sans ke koi diwar-o-dar kahan

is sakht dopahar mein kahan ja ke baithiye

rahon mein dur tak saba koi shajar kahan