قدموں تلے تو دیکھ کے مجھ کو نہ طنز کر

قدموں تلے تو دیکھ کے مجھ کو نہ طنز کر

سایہ ہوں دن ڈھلا تو میں ہوں گا طویل تر

اک چیخ دب کے رہ گئی نعروں کے شور میں

آگے جلوس بڑھ گیا اک لاش روند کر

ڈرتا ہوں سن کے صبح کے قدموں کی آہٹیں

میں ایک زرد رات کا ہوں آخری پہر

چاروں طرف ہے آگ تعاقب میں آپ کے

بہتر یہی ہے جائیے دریا میں اب اتر

اکرامؔ ایک درد کا اس دل میں ہے نواس

آباد ایک سنت کے دم سے ہے یہ کھنڈر

qadmon tale to dekh ke mujh ko na tanz kar

saya hun din dhala to main hunga tawil tar

ik chikh dab ke rah gai naaron ke shor mein

age julus barh gaya ik lash raund kar

darta hun sun ke subh ke qadmon ki ahaten

main ek zard rat ka hun akhiri pahar

charon taraf hai ag taaqub mein ap ke

behtar yahi hai jaiye dariya mein ab utar

ikram ek dard ka is dil mein hai nawas

abad ek sant ke dam se hai ye khandar