ہم تم جب بھی پیار کریں گے جان و دل صدقے ہوں گے

ہم تم جب بھی پیار کریں گے جان و دل صدقے ہوں گے

روحوں کی خوشبو میں ہوں گی باہوں کے گجرے ہوں گے

پیشروو تم بیت چکے اب ہم لوگوں کی باری ہے

زندانوں کے در تو وا ہوں ہم آگے آگے ہوں گے

گمنامی کی گلیوں میں تاریخ کہاں تک پہنچے گی

ایک تمہی سقراط نہیں ہو اور بہت گزرے ہوں گے

حسن اگر زنجیر کیا ہے عشق بھی پھر زنجیر کرو

ورنہ بات بہت پھیلے گی دور تلک چرچے ہوں گے

اے چکوال سے آنے والو کچھ تو حال احوال کہو

پھول سے عارض چاند سے چہرے تم نے بھی دیکھے ہوں گے

ham tum jab bhi pyar karenge jan-o-dil sadqe honge

ruhon ki khushbu mein hongi bahon ke gajre honge

peshrow tum bit chuke ab ham logon ki bari hai

zindanon ke dar to wa hun ham age age honge

gumnami ki galiyon mein tarikh kahan tak pahunchegi

ek tumhi suqrat nahin ho aur bahut guzre honge

husn agar zanjir kya hai ishq bhi phir zanjir karo

warna bat bahut phailegi dur talak charche honge

ai chukwal se ane walo kuchh to hal ahwal kaho

phul se ariz chand se chehre tum ne bhi dekhe honge