کب کھیت امیدوں کے تہہ آب نہ آئے

کب کھیت امیدوں کے تہہ آب نہ آئے

کس رت میں نراشاؤں کے سیلاب نہ آئے

کچھ لوگ مدد کو تو کناروں پہ کھڑے تھے

پر ڈوبنے والے ہی سر آب نہ آئے

اے زیست ہوئے دوست مرے سرخ رو جن سے

مجھ کو تری محفل کے وہ آداب نہ آئے

اس شہر میں شرمندہ ہر اک در پہ نہ ہوتے

کیوں ہاتھوں کو ہم سنگ تلے داب نہ آئے

ڈرتا ہوں صباؔ کسرت باران کرم سے

دل ریت کا گھر ہے کہیں سیلاب نہ آئے

kab khet ummidon ke tah ab na ae

kis rut mein nirashaon ke sailab na ae

kuchh log madad ko to kinaron pe khare the

par dubne wale hi sar ab na ae

ai zist hue dost mire surkh ru jin se

mujh ko tiri mahfil ke wo adab na ae

is shahr mein sharminda har ik dar pe na hote

kyun hathon ko ham sang tale dab na ae

darta hun saba kasrat baran-e-karam se

dil ret ka ghar hai kahin sailab na ae