آواز کے پتھر جو کبھی گھر میں گرے ہیں

آواز کے پتھر جو کبھی گھر میں گرے ہیں

آسیب خموشی کے صباؔ چیخ پڑے ہیں

پازیب کے نغموں کی وہ رت بیت چکی ہے

اب سوکھے ہوئے پتے اس آنگن میں پڑے ہیں

چھپ جائیں کہیں آ کہ بہت تیز ہے بارش

یہ میرے ترے جسم تو مٹی کے بنے ہیں

اس دل کی ہری شاخ پہ جو پھول کھلے تھے

لمحوں کی ہتھیلی پہ وہ مرجھا کے گرے ہیں

اس گھر میں کسے دیتے ہو اب جا کے صدائیں

وہ ہارے تھکے لوگ تو اب سو بھی چکے ہیں

awaz ke patthar jo kabhi ghar mein gire hain

aseb khamoshi ke saba chikh pare hain

pazeb ke naghmon ki wo rut bit chuki hai

ab sukhe hue patte is angan mein pare hain

chhup jaen kahin a ke bahut tez hai barish

ye mere tire jism to mitti ke bane hain

is dil ki hari shakh pe jo phul khule the

lamhon ki hatheli pe wo murjha ke gire hain

is ghar mein kise dete ho ab ja ke sadaen

wo hare thake log to ab so bhi chuke hain