غم چراتے رو پڑے تھے

غم چراتے رو پڑے تھے

ہم ہنساتے رو پڑے تھے

جو غزل تھی نام تیرے

گنگناتے رو پڑے تھے

ہنس رہے تھے کافی دن سے

مسکراتے رو پڑے تھے

دور سے کہتے تھے خوش ہیں

پاس آتے رو پڑے تھے

آگ دل کی تھی بجھانی

خط جلاتے رو پڑے تھے

ہجر میں یہ سب ستارے

جھلملاتے رو پڑے تھے

بڑھ گیا تھا درد حد سے

ہنستے گاتے رو پڑے تھے

شہر خوشیاں کھا گیا تھا

گاؤں جاتے رو پڑے تھے

عشق کا تھا امتحاں وہ

آزماتے رو پڑے تھے

سوچ کیسا واقعہ تھا

دل دکھاتے رو پڑے تھے

gham churate ro pare the

ham hansate ro pare the

jo ghazal thi nam tere

gungunate ro pare the

hans rahe the kafi din se

muskurate ro pare the

dur se kahte the khush hain

pas ate ro pare the

ag dil ki thi bujhani

khat jalate ro pare the

hijr mein ye sab sitare

jhilmilate ro pare the

barh gaya tha dard had se

hanste gate ro pare the

shahr khushiyan kha gaya tha

gaon jate ro pare the

ishq ka tha imtihan wo

azmate ro pare the

soch kaisa waqia tha

dil dikhate ro pare the