دو دل وہ سنگ سنگ دھڑکتے ہیں آج بھی

دو دل وہ سنگ سنگ دھڑکتے ہیں آج بھی

کھڑکی سے چوری چوری وہ تکتے ہیں آج بھی

کہتا ہے کون عشق کے لہجے بدل گئے

کنگن کلائیوں میں کھنکتے ہیں آج بھی

کرتا ہے کوئی سازشیں ورنہ یوںہی نہیں

آنچل گھڑی میں اک دو اٹکتے ہیں آج بھی

اتنی ہے پاک عشق کی یہ داستاں سنو

آنے میں وہ قریب جھجکتے ہیں آج بھی

خوابوں سے اب تلک تری صورت نہیں گئی

اٹھ اٹھ کے رات بھر کو سسکتے ہیں آج بھی

نیچی نگاہ اٹھتی ہے آتے ہی نورؔ کے

یعنی شریف لوگ بہکتے ہیں آج بھی

do dil wo sang sang dharakte hain aj bhi

khirki se chori chori wo takte hain aj bhi

kahta hai kaun ishq ke lahje badal gae

kangan kalaiyon mein khanakte hain aj bhi

karta hai koi sazishen warna yunhi nahin

anchal ghari mein ik do atakte hain aj bhi

itni hai pak ishq ki ye dastan suno

ane mein wo qarib jhijakte hain aj bhi

khwabon se ab talak tiri surat nahin gai

uth uth ke rat bhar ko sisakte hain aj bhi

nichi nigah uthti hai ate hi nur ke

yaani sharif log bahakte hain aj bhi