عمر آدھی عشق کی وہ یوں گنواتا رہ گیا

عمر آدھی عشق کی وہ یوں گنواتا رہ گیا

بے وفا کہہ کر مجھے بس آزماتا رہ گیا

شوق سے تصویر جس کی کھینچتے رہتے تھے سب

تیر کھا کے وہ پرندہ پھڑپھڑاتا رہ گیا

پوچھ ڈالا جب کسی نے ہنسنے رونے کا سبب

نام تیرا ان لبوں پہ آتا آتا رہ گیا

کیا کیا ہے آج تک یہ کہہ دیا ہے اس نے آج

باپ جس بیٹے کی خاطر بس کماتا رہ گیا

جا رہا ہے سامنے سے ہاتھ تھامے غیر کا

اور میں پاگل اسے اپنا بتاتا رہ گیا

umr adhi ishq ki wo yun ganwata rah gaya

be wafa kah kar mujhe bas azmata rah gaya

shauq se taswir jis ki khinchte rahte the sab

tir kha ke wo parinda pharpharata rah gaya

puchh dala jab kisi ne hansne rone ka sabab

nam tera un labon pe ata ata rah gaya

kya kya hai aj tak ye kah diya hai us ne aj

bap jis bete ki khatir bas kamata rah gaya

ja raha hai samne se hath thame ghair ka

aur main pagal use apna batata rah gaya