اے مرے ہم نشیں چل کہیں اور چل اس چمن میں اب اپنا گزارہ نہیں

اے مرے ہم نشیں چل کہیں اور چل اس چمن میں اب اپنا گزارہ نہیں

بات ہوتی گلوں تک تو سہہ لیتے ہم اب تو کانٹوں پہ بھی حق ہمارا نہیں

آج آئے ہو تم کل چلے جاؤ گے یہ محبت کو اپنی گوارہ نہیں

عمر بھر کا سہارا بنو تو بنو دو گھڑی کا سہارا سہارا نہیں

دی صدا دار پر اور کبھی طور پر کس جگہ میں نے تم کو پکارا نہیں

ٹھوکریں یوں کھلانے سے کیا فائدہ صاف کہہ دو کہ ملنا گوارہ نہیں

گلستاں کو لہو کی ضرورت پڑی سب سے پہلے ہی گردن ہماری کٹی

پھر بھی کہتے ہیں مجھ سے ی اہل چمن ی چمن ہے ہمارا تمہارا نہیں

ظالمو اپنی قسمت پہ نازاں نہ ہو دور بدلے گا یہ وقت کی بات ہے

وہ یقیناً سنے گا صدائیں مری کیا تمہارا خدا ہے ہمارا نہیں

اپنی زلفوں کو رخ سے ہٹا لیجیے مرا ذوق نظر آزما لیجیے

آج گھر سے چلا ہوں یہی سوچ کر یا تو نذریں نہیں یا نظارہ نہیں

ہم نے آواز پر تم کو آواز دی پھر بھی کہتے ہیں ہم نے پکارا نہیں

ai mire ham nashin chal kahin aur chal is chaman mein ab apna guzara nahin

bat hoti gulon tak to sah lete ham ab to kanton pe bhi haq hamara nahin

aj ae ho tum kal chale jaoge ye mohabbat ko apni gawara nahin

umr bhar ka sahara bano to bano do ghari ka sahara sahara nahin

di sada dar par aur kabhi tur par kis jagah main ne tum ko pukara nahin

thokaren yun khilane se kya faida saf kah do ke milna gawara nahin

gulistan ko lahu ki zarurat pari sab se pahle hi gardan hamari kati

phir bhi kahte hain mujh se y ahl-e-chaman y chaman hai hamara tumhara nahin

zalimo apni qismat pe nazan na ho dur badlega ye waqt ki bat hai

wo yaqinan sunega sadaen miri kya tumhara khuda hai hamara nahin

apni zulfon ko rukh se hata lijiye mira zauq-e-nazar azma lijiye

aj ghar se chala hun yahi soch kar ya to nazren nahin ya nazara nahin

ham ne awaz par tum ko awaz di phir bhi kahte hain ham ne pukara nahin