حسن کب عشق کا ممنون وفا ہوتا ہے

حسن کب عشق کا ممنون وفا ہوتا ہے

لاکھ پروانہ مرے شمع پہ کیا ہوتا ہے

شغل صیاد یہی صبح و مسا ہوتا ہے

قید ہوتا ہے کوئی کوئی رہا ہوتا ہے

جب پتا چلتا ہے خوشبو کی وفاداری کا

پھول جس وقت گلستاں سے جدا ہوتا ہے

ضبط کرتا ہوں تو گھٹتا ہے قفس میں مرا دم

آہ کرتا ہوں تو صیاد خفا ہوتا ہے

خون ہوتا ہے سحر تک مرے ارمانوں کا

شام وعدہ جو وہ پابند حنا ہوتا ہے

چاندنی دیکھ کے یاد آتے ہیں کیا کیا وہ مجھے

چاند جب شب کو قمرؔ جلوہ نما ہوتا ہے

husn kab ishq ka mamnun-e-wafa hota hai

lakh parwana mire shama pe kya hota hai

shaghl-e-sayyad yahi subh-o-masa hota hai

qaid hota hai koi koi raha hota hai

jab pata chalta hai khushbu ki wafadari ka

phul jis waqt-e-gulistan se juda hota hai

zabt karta hun to ghatta hai qafas mein mira dam

ah karta hun to sayyad khafa hota hai

khun hota hai sahar tak mire armanon ka

sham-e-waada jo wo paband-e-hina hota hai

chandni dekh ke yad ate hain kya kya wo mujhe

chand jab shab ko qamar jalwa numa hota hai