وہ آغاز محبت کا زمانہ

وہ آغاز محبت کا زمانہ

ذرا سی بات بنتی تھی فسانہ

قفس کو کیوں سمجھ لوں آشیانہ

ابھی تو کروٹیں لے گا زمانہ

یہ کہہ کر صبر کرتے ہیں ستم پر

ہمارا بھی کبھی ہوگا زمانہ

قفس سے بھی نکالا جا رہا ہوں

کہاں لے جائے دیکھو آب و دانہ

غرور اتنا نہ کر تیر ستم پر

کہ اکثر چوک جاتا ہے نشانہ

اگر بجلی کا ڈر ہوگا تو ان کو

بلندی پر ہے جن کا آشیانہ

کہانی درد دل کی سن کے پوچھا

قمرؔ سچ کہہ یہ کس کا ہے فسانہ

wo aghaz-e-mohabbat ka zamana

zara si bat banti thi fasana

qafas ko kyun samajh lun ashiyana

abhi to karwaten lega zamana

ye kah kar sabr karte hain sitam par

hamara bhi kabhi hoga zamana

qafas se bhi nikala ja raha hun

kahan le jae dekho ab-o-dana

ghurur itna na kar tir-e-sitam par

ke aksar chok jata hai nishana

agar bijli ka dar hoga to un ko

bulandi par hai jin ka ashiyana

kahani dard-e-dil ki sun ke puchha

qamar sach kah ye kis ka hai fasana