قافلہ اترا صحرا میں اور پیش وہی منظر آئے

قافلہ اترا صحرا میں اور پیش وہی منظر آئے

راکھ اڑی خیمہ گاہوں کی خون میں لتھڑے سر آئے

گلیوں میں گھمسان کا رن ہے معرکہ دست بدست ہے یاں

جسے بھی خود پر ناز بہت ہو آنگن سے باہر آئے

اک آسیب سا لہراتا ہے بستی کی شہ راہوں پر

شام ڈھلے جو گھر سے نکلے لوٹ کے پھر نہیں گھر آئے

دنوں مہینوں آنکھیں روئیں نئی رتوں کی خواہش میں

رت بدلی تو سوکھے پتے دہلیزوں میں در آئے

ایک دیا روشن رکھنا دیوار پہ چاند ستاروں سا

ابر اٹھے بارش برسے یا ہواؤں کا لشکر آئے

ورنہ کس نے پار کیا تھا رستہ بھری دوپہروں کا

کچھ ہم سے دیوانے تھے جو طے یہ مسافت کر آئے

qafila utra sahra mein aur pesh wahi manzar ae

rakh uri khema gahon ki khun mein lithre sar ae

galiyon mein ghumsan ka ran hai marka dast badast hai yan

jise bhi khud par naz bahut ho angan se bahar ae

ik aseb sa lahrata hai basti ki shah rahon par

sham dhale jo ghar se nikle laut ke phir nahin ghar ae

dinon mahinon ankhen roen nai ruton ki khwahish mein

rut badli to sukhe patte dahlizon mein dar ae

ek diya raushan rakhna diwar pe chand sitaron sa

abr uthe barish barse ya hawaon ka lashkar ae

warna kis ne par kiya tha rasta bhari dopaharon ka

kuchh ham se diwane the jo tai ye masafat kar ae