شیخ آخر یہ صراحی ہے کوئی خم تو نہیں

شیخ آخر یہ صراحی ہے کوئی خم تو نہیں

اور بھی بیٹھے ہیں محفل میں ہمیں تم تو نہیں

نا خدا ہوش میں آ ہوش ترے گم تو نہیں

یہ تو ساحل کے ہیں آثار تلاطم تو نہیں

ناز و انداز و ادا ہونٹوں پہ ہلکی سی ہنسی

تیری تصویر میں سب کچھ ہے تکلم تو نہیں

دیکھ انجام محبت کا برا ہوتا ہے

مجھ سے دنیا یہی کہتی ہے بس اک تم تو نہیں

مسکراتے ہیں سلیقے سے چمن میں غنچے

تم سے سیکھا ہوا انداز تبسم تو نہیں

اب یہ منصور کو دی جاتی ہے ناحق سولی

حق کی پوچھو تو وہ انداز تکلم تو نہیں

چاندنی رات کا کیا لطف قمرؔ کو آئے

لاکھ تاروں کی بہاریں ہیں مگر تم تو نہیں

shaikh akhir ye surahi hai koi kham to nahin

aur bhi baithe hain mahfil mein hamen tum to nahin

na khuda hosh mein a hosh tire gum to nahin

ye to sahil ke hain asar talatum to nahin

naz-o-andaz-o-ada honton pe halki si hansi

teri taswir mein sab kuchh hai takallum to nahin

dekh anjam-e-mohabbat ka bura hota hai

mujh se duniya yahi kahti hai bas ik tum to nahin

muskurate hain saliqe se chaman mein ghunche

tum se sikha hua andaz-e-tabassum to nahin

ab ye mansur ko di jati hai nahaq suli

haq ki puchho to wo andaz-e-takallum to nahin

chandni rat ka kya lutf qamar ko ae

lakh taron ki baharen hain magar tum to nahin