موسیٰ سمجھے تھے ارماں نکل جائے گا

موسیٰ سمجھے تھے ارماں نکل جائے گا

یہ خبر ہی نہ تھی طور جل جائے گا

میری بالیں پہ رونے سے کیا فائدہ

کیا مری موت کا وقت ٹل جائے گا

کیا عیادت کو اس وقت آؤ گے تم

جب ہمارا جنازہ نکل جائے گا

کم سنی میں ہی کہتی تھی تیری نظر

تو جواں ہو کے آنکھیں بدل جائے گا

سب کو دنیا سے جانا ہے اک دن قمرؔ

رہ گیا آج کوئی تو کل جائے گا

musa samjhe the arman nikal jaega

ye khabar hi na thi tur jal jaega

meri balin pe rone se kya faida

kya miri maut ka waqt tal jaega

kya ayadat ko is waqt aoge tum

jab hamara janaza nikal jaega

kam suni mein hi kahti thi teri nazar

tu jawan ho ke ankhen badal jaega

sab ko duniya se jana hai ik din qamar

rah gaya aj koi to kal jaega