تجھے کیا ناصحا احباب خود سمجھائے جاتے ہیں

تجھے کیا ناصحا احباب خود سمجھائے جاتے ہیں

ادھر تو کھائے جاتا ہے ادھر وہ کھائے جاتے ہیں

چمن والوں سے جا کر اے نسیم صبح کہہ دینا

اسیران قفس کے آج پر کٹوائے جاتے ہیں

کہیں بیڑی اٹکتی ہے کہیں زنجیر الجھتی ہے

بڑی مشکل سے دیوانے ترے دفنائے جاتے ہیں

انہیں غیروں کے گھر دیکھا ہے اور انکار ہے ان کو

میں باتیں پی رہا ہوں اور وہ قسمیں کھائے جاتے ہیں

خدا محفوظ رکھے نالہ ہائے شام فرقت سے

زمیں بھی کانپتی ہے آسماں تھرائے جاتے ہیں

کوئی دم اشک تھمتے ہی نہیں ایسا بھی کیا رونا

قمرؔ دو چار دن کی بات ہے وہ آئے جاتے ہیں

tujhe kya nasha ahbab khud samjhae jate hain

idhar to khae jata hai idhar wo khae jate hain

chaman walon se ja kar ai nasim-e-subh kah dena

asiran-e-qafas ke aj par katwae jate hain

kahin beri atakti hai kahin zanjir ulajhti hai

bari mushkil se diwane tire dafnae jate hain

unhen ghairon ke ghar dekha hai aur inkar hai un ko

main baten pi raha hun aur wo qasmen khae jate hain

khuda mahfuz rakhe nala ha-e-sham-e-furqat se

zamin bhi kanpti hai asman tharrae jate hain

koi dam ashk thamte hi nahin aisa bhi kya rona

qamar do char din ki bat hai wo ae jate hain