باغ عالم میں رہے شادی و ماتم کی طرح

باغ عالم میں رہے شادی و ماتم کی طرح

پھول کی طرح ہنسے رو دئے شبنم کی طرح

شکوہ کرتے ہو خوشی تم سے منائی نہ گئی

ہم سے غم بھی تو منایا نہ گیا غم کی طرح

روز محفل سے اٹھاتے ہو تو دل دکھتا ہے

اب نکلواؤ تو پھر حضرت آدم کی طرح

لاکھ ہم رند سہی حضرت واعظ لیکن

آج تک ہم نے نہ پی قبلۂ عالم کی طرح

تیرے انداز جراحت کے نثار اے قاتل

خون زخموں پہ نظر آتا ہے مرہم کی طرح

خوف دل سے نہ گیا صبح کے ہونے کا قمرؔ

وصل کی رات گزاری ہے شب غم کی طرح

bagh-e-alam mein rahe shadi-o-matam ki tarah

phul ki tarah hanse ro diye shabnam ki tarah

shikwa karte ho khushi tum se manai na gai

ham se gham bhi to manaya na gaya gham ki tarah

roz-e-mahfil se uthate ho to dil dikhta hai

ab nikalwao to phir hazrat-e-adam ki tarah

lakh ham rind sahi hazrat-e-waiz lekin

aj tak ham ne na pi qibla-e-alam ki tarah

tere andaz-e-jarahat ke nisar ai qatil

khun zakhmon pe nazar ata hai marham ki tarah

khauf dil se na gaya subh ke hone ka qamar

wasl ki rat guzari hai shab-e-gham ki tarah